Օրացույց | « Մայիս 2024 » | Երկ. | Երք. | Չոր. | Հնգ. | Ուրբ. | Շաբ. | Կիր. | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 |
|
|
ՆՊԱՏԱԿ ԵՎ ԱՌԱՔԵԼՈՒԹՅՈՒՆ
Մեր առաքելությունն է բազմաթիվ ծրագրերի միջոցով նպաստել երեխաների
բազմաբնույթ հիմնախնդիրների լուծմանն ու նրանց զարգացման համար բնականոն
պայմանների ստեղծմանը: Հիմնադրամը ամեն կերպ աջակցելու է երեխաների
հատկապես այն խմբերին, մասնավորապես երկկողմանի ու միակողմանի ծնողազուրկ,
հաշմանդամ, չքավոր, բազմազավակ ընտանիքների, որոնք ավելի շատ են զգում
օգնության կարիք: Ակնկալում ենք հասնել կայուն զարգացող կենսապայմանների
առկայության: Իր գործունեության ընթացքում հիմնադրամը համագործակցելու է
ինչպես միջազգային, այնպես էլ տեղական շահագրգիռ կազմակերպությունների,
իշխանությունների հետ: Մենք համոզված ենք, որ կգան լուսավոր ժամանակներ,
երբ ողջ աշխարհի բոլոր երեխաները կապրեն անհոգ և ստեղծագործ կյանքով:
ՄԵՐ ՇԱՀԱՌՈՒՆԵՐԸ
Հիմնադրամն իր աջակցությունը ցուցաբերում է բոլոր այն անձանց, ովքեր
համարվում են ՙերեխաներ՚, այսինքն 18 տարին չլրացած անձինք են` անկախ
սեռից, ազգությունից, կրոնից, դասային կամ սոցիալական դրությունից և այլ
հատկանիշներից: Սակայն հիմնադրամի հատուկ ուշադրության կենտրոնում են
լինելու մասնավորապես երեխաների հետևյալ խմբերը.
1.Երկկողմանի ծնողազուրկ
2.Միակողմանի ծնողազուրկ
3.Փախստական ընտանիքների
4.Քաղաքացիություն չունեցող
5.Փախստական
6.Չքավոր ընտանիքների
7.Հաշմանդամ ծնողի կամ ծնողների
8.Հաշմանդամ և այլ հիվանդություն ունեցող
9.Զոհված ազատամարտիկների
10.Մանկատների
11.Թափառաշրջիկ
12.Բազմանդամ ընտանիքի
13.Շնորհալի, տաղանդաշատ և բացառիկ օժտվածությամբ երեխաները:
ՄԱԿ-ի Գլխավոր Ասամբլեան 1989թ
նոյեմբերի 20-ին ընդունեց Երեխաների իրավունքների մասին համաձայնագիրը, որի
54 հոդվածները ամրագրում են այն բոլոր իրավունքները, որոնցով օժտված են
աշխարհի երեխաները: ՀՀ Ազգային Ժողովը 1996թ մայիսի 29-ին ընդունեց ՀՀ
օրենքը ՙԵրեխայի իրավունքների՚ մասին, որի վրա էլ խարսխվում է ՀՀ-ում
երեխայի իրավունքների պաշտպանության ազգային հայեցակարգը:
Շատ կարևոր է երեխաների իրավունքների պաշտպանությունն այն առումով,
քանզի դա պարտավորություն է ապագայի հանդեպ: Այսինքն երեխաները մեր ապագան
են:
Աստվածաշնչի Ղուկաս 18.16-ում ասված է ՙԱստծու արքայությունը երեխաներինն է՚:
Չնայած այսօր երեխաները ողջ աշխարհում գտնվում են պետությունների,
միջազգային կազմակերպությունների լուրջ ուշադրության կենտրոնում,
այնուամենայնիվ նրանց նկատմամբ կատարվում են շատ անմարդկային արարքներ,
կոպիտ կերպով խախտվում են նրանց տարրական իրավունքներն ու ազատությունները:
Նման երևույթներից են երեխաների շահագործումը ծանր աշխատանքներում,
թրաֆիքինգի(երեխաների առ ու վաճառք) ասպարեզում և այլ ոլորտներում:
Երեխաները լինելով ավելի անպաշտպան քան հասարակություն մյուս խավերը, ավելի
շատ են ենթարկվում զրկանքների ու չարաշահումների:
Մարդ արարածը չի կարող երջանիկ լինել, երբ իր շրջապատում տեսնում է
որբ, անտեր, աղքատ երեխաների, որոնց թշվառությունը դրոշմված է դեմքներին:
Ավելի լավ է բոլոր մարդիկ նմանվեն երեխաներին: Այն օրը, երբ
աշակերտները մոտեցան Հիսուսին և ասացին.ՙՄեզնից ո±վ է մեծ երկնքի
արքայութեան մէջ՚: Եվ Յիսուս իր մոտ կանչեց մի մանուկ, կանգնեցրեց նրան
նրանց մեջ ու ասաց.ՙՃշմարիտ եմ ասում ձեզ, եթէ չդառնաք ու չլինեք
մանուկների պէս, երկնքի արքայութիւնը չէք մտնի: Արդ ով իր անձը
խոնարհեցնում է ինչպես այս մանուկը, երկնքի արքայութեան մէջ նա’ է մեծ: Եւ
ով որ իմ անունով մի այսպիսի մանուկ ընդունելու լինի, ինձ կ’ընդունի՚:
Մատթեոս 18:15
| |